नंदेश्वर/ प्रतिनिधी
कुस्ती हा माझा बालवयापासूनचा आवडता खेळ आहे. फक्त आवडता खेळच नाही तर मी एकेकाळी कुस्तीतला चॅम्पियन राहिलो आहे. त्यामुळे मी एकदा कुस्ती धरली की ती निकालीच काढतो मग ती कुस्ती कुस्तीच्या फडातली असो अथवा कोणतीही अशी मिस्कील टिप्पणी आमदार समाधान आवताडे यांनी केली. नंदेश्वर (ता.मंगळवेढा) येथे श्री मलुआई देवी यात्रेनिमित्त कुस्तीच्या फडाचे आयोजन करण्यात आले होते.
या कुस्तीच्या फडाचे उद्घाटन आ.आवताडे यांच्या हस्ते केले यावेळी आमदार आवताडे बोलत होते. यावेळी भाजपचे जिल्हाध्यक्ष शशिकांत चव्हाण, शिवसेना शिंदे गटाचे जिल्हाप्रमुख अमोल शिंदे, जिल्हा नियोजन समितीचे सदस्य प्रदीप खांडेकर, काँग्रेसचे विधानसभा मतदारसंघ अध्यक्ष मारुती वाकडे, शिवसेना उपजिल्हाप्रमुख राजू बाबर, माजी उपसभापती दादासाहेब गरंडे, दामाजीचे संचालक भिवा दोलतडे, माजी जिल्हा परिषद सदस्य नामदेव जानकर, शिवसेना तालुकाप्रमुख अशोक चौंडे, माजी उपसभापती सूर्यकांत ढोणे, माऊली विकास सेवा सोसायटीचे चेअरमन भारत गरंडे, धनश्री मल्टीस्टेटचे संचालक रामभाऊ बंडगर,यात्रा कमिटीचे अध्यक्ष दादासाहेब चौगुले, व्यवस्थापक नानासाहेब बंडगर, माजी उपसरपंच राहुल कसबे, युवक नेते जयसिंग कांबळे, आकाश डांगे, दत्ता साबणे, आबासाहेब पाटील हे उपस्थित होते.
यावेळी बोलताना आ.आवताडे म्हणाले की, एक रुपयांचीही लोकवर्गणी न घेता इतके दर्जेदार, महागडे आणि समाजातील सर्वच स्तरातील लोकांचा विचार करत केलेले कार्यक्रम आणि अत्यंत संघटनात्मक भरवलेली जत्रा यामुळे नंदेश्वर येथील श्री मलुआई देवी यात्रा कमिटी आणि यात्रेचे संयोजक शिवसेना तालुकाप्रमुख अशोक चौंडे यांनी अन्य यात्रा कमिट्यांसमोर एक आदर्श निर्माण केला आहे. तसेच मी मंगळवेढा तालुक्यातील व तसेच मतदार संघातील अनेक कुस्ती आखाड्यांना भरघोस निधी मिळवून दिला आहे. नंदेश्वर येथे कुस्ती आखाडा तयार करा या आखाड्याला लागेल तितका निधी मी उपलब्ध करून देतो असेही यावेळी बोलताना आमदार आवताडे म्हणाले.
यावेळी बोलताना अशोक चौंडे म्हणाले की, नंदेश्वर येथे मलुआई यात्रेचे गेल्या बारा वर्षापासून आम्ही नियोजन करीत आहोत. यात्रा कमिटीने या यात्रेचे सर्वाधिकार माझ्याकडे अगदी डोळे झाकुन दिले आहेत. गेल्या दोन वर्षांपासून एक रुपयांचीही वर्गण न घेता इतके दर्जेदार कार्यक्रम आम्ही करीत आहोत हे माझ्यावर ठेवलेल्या विश्वासाचे उदाहरण आहे. यापुढेही वर्गणी न घेता यात्रा आम्ही चांगल्या पद्धतीने करणार आहोत.
नंदेश्वर येथे आयोजित कुस्तीच्या मैदानात महाराष्ट्राच्या कानाकोपऱ्यातून मल्ल मोठ्या प्रमाणावर सहभागी झाले होते. कुस्त्यांचा फड अत्यंत नियोजनबद्ध आणि डोळ्यांचे पारणे फेडणारा असा पार पडला अशा प्रतिक्रिया सहभागी झालेल्या मल्लांनी व प्रेक्षकांनी दिल्या.
यावेळी युवक नेते वसंत गरंडे, लक्ष्मण गरंडे, बबन पाटील, श्री बाळकृष्ण माऊली सामाजिक संस्थेचे अध्यक्ष गुरुलिंग दोलतडे, माजी उपसरपंच अंकुश कांबळे, माऊली पतसंस्थेचे चेअरमन आण्णासाहेब बंडगर, गुरुमाऊली पतसंस्थेचे चेअरमन बाबुराव मोटे, कार्याध्यक्ष पोपट बंडगर, उपाध्यक्ष दिलीप पाटील, सोन्या घोड्याचे मालक लक्ष्मण घोडेवाले, सुधीर गरंडे,पृथ्वीराज चौंडे, मुकुंद व्हरगळ, तानाजी खुळे, दत्ता पाटील, माणिक पाटील, शिवसेना शेतकरी सेनेचे तालुकाध्यक्ष दिगंबर गरंडे, भारत लाड, सतीश क्षीरसागर, युवराज बंडगर, प्रवीण पाटील, दगडू क्षीरसागर, सुखदेव शिंदे, किसन कांबळे,संजय जोरवर, संजय कोडगीर, देवाप्पा पाटील, बापू जोरवर, शिवाजी खुळे, बालाजी चौंडे, शिवशंकर चौंडे, शिवाजी चौंडे, हणमंत पाटील, भीमराव पाटील, पांडुरंग चौंडे, दामू चौंडे, शिवाजी विठ्ठल चौंडे, अंबादास व्हरगळ, दिलीप चौगुले, रामदास चौंडे, समाधान चौंडे, विष्णू बेलदार, अमोल बेलदार, महादेव चौगुले, सतीश लेंडवे, औदुंबर कुंभार, सोमनाथ चौगुले, सागर बजरंग कांबळे, मल्हारी कांबळे, तानाजी कांबळे, अनिल लवटे, अंबादास लवटे, भारत कळकुंबे, ज्ञानेश्वर कळकुंबे, अंबादास शिंदे, नवनाथ मेटकरी, हरी कसबे, ज्ञानेश्वर गरंडे,आण्णा कुंभार, दत्ता बंडगर, भागवत मेटकरी, सोन्या बंडगर, हनुमंत माळी, बाळासाहेब लोहार, बाळासाहेब माळी हे उपस्थित होते.
