नंदेश्वर/प्रतिनिधी
लोकशाहीर आण्णाभाऊ साठे यांच्या जयंतीनिमित्त नंदेश्वर ता.मंगळवेढा येथे शनिवार दिनांक १६ रोजी विविध कार्यक्रमांचे आयोजन करण्यात आल्याची माहिती लोकशाहीर आण्णाभाऊ साठे जयंती उत्सव मंडळ नंदेश्वर यांच्या वतीने देण्यात आली आहे.
शनिवार दिनांक १६ रोजी सकाळी ठीक ९वा. वाजता लोकशाहीर आण्णाभाऊ साठे यांच्या प्रतिमेचे पूजन नंदेश्वर येथील मान्यवर आणि ग्रामस्थांच्या वतीने करण्यात येणार आहे. यानंतर सकाळी ठीक १०वा. वाजता महाराष्ट्रातील सुप्रसिद्ध शाहीर जयवंत रणदिवे यांचा लोकशाहीर आण्णाभाऊ साठे यांच्या जीवनावर आधारित असा शाहीर जलसा हा कार्यक्रम संपन्न होणार आहे.
यानंतर सायंकाळी ठीक पाच वाजता अण्णाभाऊ साठे यांच्या प्रतिमेची भव्य दिव्य अशी मिरवणूक नंदेश्वर नगरीतून निघणार आहे. या मिरवणुकीत नंदेश्वर व तसेच पंचक्रोशीतील समाज बांधव व ग्रामस्थ मोठ्या संख्येने सहभागी होणार आहेत. तरी या सर्व कार्यक्रमात नंदेश्वर येथील ग्रामस्थांनी सहभागी होण्याचे आवाहन लोकशाहीर आण्णाभाऊ साठे जयंती उत्सव मंडळ नंदेश्वरच्या वतीने करण्यात आले आहे.
