(टीम सोलापूर आजतक)
बाणेगाव (ता.उ.सोलापूर) येथील ग्रामपंचायतीत मोठ्या प्रमाणावर भ्रष्टाचार झाल्याचा आरोप करत ग्रामपंचायत सदस्या कीर्ती चाफाकरंडे व सचिन चाफाकरंडे यांनी जिल्हाधिकारी कार्यालयासमोर उपोषणाचा इशारा देत स्वातंत्र्यदिनी उपोषण केले. या उपोषणाची उत्तर सोलापूर पंचायत समितीने गांभीर्याने दखल घेत बाणेगाव ग्रामपंचायतीच्या भ्रष्टाचाराची चौकशी करून योग्य ती कार्यवाही केली जाईल असे पत्र दिले आहे.
पंचायत समितीच्या वतीने दिलेल्या पत्रात ग्रामपंचायतीच्या कामकाजाबाबत चौकशी करुन अहवाल सादर करण्याबाबत संदर्भ क्रमांक ०२ नुसार कळविण्यात आलेले आहे, तसेच जल जीवन मिशन अंतर्गत पाणी पुरवठा बाबत आपल्या तक्रारीनुसार उचित कार्यवाही करण्यासाठी उपअभियंता (ग्रा.पा.पु.), उत्तर सोलापूर यांना कळविण्यात आलेले आहे, सदर बाबत आपल्या तक्रारीची दखल घेऊन पंचायत समिती स्तरावरुन प्राथमिक उचित कार्यवाही सुरू केलेली आहे असे नमूद करण्यात आले आहे.
या पत्रामुळे उपोषणकर्ते कीर्ती चाफाकरंडे आणि सचिन चाफाकरंडे यांनी आपले आमरण उपोषण तात्पुरते स्थगित केले आहे. तसेच एक प्रशासनाने दिलेल्या पत्रानुसार एक महिन्याच्या आत कार्यवाही नाही झाली तर पुन्हा उत्तर सोलापूर पंचायतीसमोर आमरण उपोषण सुरू केले जाईल असा इशारा दिला आहे.
बाणेगाव ग्रामपंचायतीत मोठ्या प्रमाणावर भ्रष्टाचार झाला आहे आणि या भ्रष्टाचाराला वाचाल फुटावी म्हणून आम्ही जिल्हाधिकारी कार्यालयासमोर स्वातंत्र्यदिनी अमरण उपोषण सुरू केले. पण उत्तर सोलापूर पंचायत समिती कडून योग्य ती कार्यवाही असे पत्र मिळाल्यानंतर आम्ही आमचे आंदोलन तात्पुरते स्थगित करीत आहोत. एक महिन्याच्या आत कार्यवाही पूर्ण नाही झाली तर पुन्हा उत्तर सोलापूर पंचायत समिती कार्यालयासमोर आमरण उपोषण करू.
कीर्ती चाफाकरंडे
ग्रामपंचायत सदस्या बाणेगाव (ता.उ.सोलापूर)
