नंदेश्वर/ प्रतिनिधी : काँग्रेस सेवा दलाच्या मंगळवेढा तालुका अध्यक्षपदी बजरंग चौगुले यांची निवड करण्यात आली आहे. बजरंग चौगुले यांनी यापूर्वी मंगळवेढा काँग्रेसचे तालुका उपाध्यक्ष म्हणून जबाबदारी सांभाळली आहे. या कालावधीत त्यांनी पक्ष संघटन मजबूत करण्यासाठी उल्लेखनीय कामगिरी केली होती. पक्षाशी एकनिष्ठ राहून कार्य करणारे, तसेच कार्यकर्त्यांना एकत्र बांधून ठेवण्याची क्षमता असलेले नेते म्हणून त्यांची ओळख आहे.
त्यांच्या या निवडीबद्दल सर्व स्तरातून त्यांच्यावर अभिनंदनाचा वर्षाव होत आहे. कार्यकर्ते, पदाधिकारी तसेच विविध सामाजिक क्षेत्रातील व्यक्तींनी त्यांना शुभेच्छा दिल्या आहेत. त्यांच्या नेतृत्वाखाली काँग्रेस सेवा दल अधिक बळकट होईल, असा विश्वास व्यक्त केला जात आहे. ही निवड प्रणिती शिंदे यांच्या आदेशाने करण्यात आली असून, मंगळवेढा तालुका काँग्रेस अध्यक्ष प्रशांत साळे यांच्या मार्गदर्शनाखाली बजरंग चौगुले यांना पक्षाचे कार्य करण्याची संधी मिळाली आहे.
नवीन जबाबदारी स्वीकारताना बजरंग चौगुले यांनी पक्षाने दिलेल्या विश्वासाला न्याय देण्याचा निर्धार व्यक्त केला आहे. आगामी काळात संघटन वाढीसाठी आणि पक्षाच्या धोरणांचा प्रसार करण्यासाठी ते सक्रियपणे काम करतील, असे त्यांनी सांगितले.
