(टीम सोलापूर आजतक)
शाळेला निघालेल्या एका पंधरा वर्षी अल्पवयीन विद्यार्थिनीस तुझ्या आत्याने तुला बोलावले आहे असे खोटे सांगून मोटरसायकलवर बसून नेऊन तिच्याशी जबरदस्तीने शारीरिक संबंध ठेवून ही घटना कोणास सांगितल्यास पुन्हा तुझ्यावर जबरदस्तीने शारीरिक संबंध ठेवीन अशी धमकी दिल्या प्रकरणी आरोपी विश्वनाथ उर्फ विष्णू काकासो चौगुले (वय 27 वर्षे) याच्याविरुद्ध मंगळवेढा पोलिसात गुन्हा दाखल झाला आहे.
पोलीस सूत्रांनी दिलेली माहिती अशी की, यातील पीडित मुलगी (वय 15) ही 10 जुलै रोजी सकाळी साडेनऊ वाजता शाळेला जात असताना यातील आरोपीने मोटरसायकलवर येऊन तुला आत्याने बोलावले आहे असे खोटे सांगितले.
व पिडीतेस मोटरसायकलवर बसायला सांगितले. आरोपीने सदर अल्पवयीन मुलीस आपल्या घरी नेऊन तिच्यावर जबरदस्तीने अत्याचार केला. आणि ही घटना जर कोणास सांगितली तर तुला पुन्हा अशाप्रकारे तुझ्यावर जबरदस्तीने अत्याचार करीन असे धमकी दिली. सदर घटनेचा तपास मंगळवेढा पोलीस करीत आहेत.
